Ha, 'palabra kla'. Anto t’esaki ta loke mi gusta! Último Notisia ta un korant asina di palabra kla. Diariamente nan ta yena dos página ku e lema akí. Ta duele ku no ta mas ku dos página, sobrá di e korant ta bon pa winshil di outo òf pa BBQ. Na Hulanda nan lo a bisa: “pa lora piská aden, hasta riba e mesun dia ku e korant sali.E siman akí ya pa dos dia mi no a kome piská ni tampoko mi tabatin lomitu riba grill. E outor anónimo di e rúbrika di igual nòmber aparentemente a haña ku ta bal la pena te hasta dos bes di yena dos kolumna tokante mi persona poniendo mi potrèt aserka. Komo periodista ta mas ku klaro ku diariamente bo ta den korant, pero nunka ta trata di bo mes. Pues si esei ta asina, anto e ora ei mi ta laga e piská òf e BBQ pa nan para warda un ratu asina.
Kiko ta e kaso?
Último Notisia ta hasi uzo di balornan periodístiko dje haltu ei, ku e ta kere ku regularmente e mester atvertí otro periodista. Den e edishon di djaluna e korant a sa di kontami ku Dios di ta basta, ku pais Kòrsou ta yama Hulandes Europeo – ku ke bin traha aki – bonbiní i ta brasa nan. E ‘brasamentu’ ei den práktika por tabata mihó, pero ta un hende fèrfelu so ta nota un kos asina.
Ku e hendenan akí ta hasi mal uzo di e hospitalidat ei hibando un oposishon bárbaro kontra di gobièrnu ta un sinbèrgwenseria. Un periodista kurasoleño lo no mester ni tribi esei na Hulanda, asina e korant ta kontinuá. Pa menshoná den un rosea ku un bes tabatin un – un periodista Hulandes Europeo na Kòrsou – ku na 1975 mester a bandoná e isla debí na su krítika kontinuo riba gobièrnu.
E korant ta konkluí bisando ku nan ta dirigí palabra na mi, pa nan hasimi konsiente ku tin hende ku ta sigui mi i ku e hendenan ei sa di mi intenshonnan. Esei ta kuadra: riba Facebook ya un tempu tabatin skirbí ku mi mester wak mi kaya i ku mi mester paga tinu.
Pasobra semper mi ta ataká tur gobièrnu, i por lo demas tambe oposishon, mi tabata kibra mi kabes, ta kiko e outor anónimo tabata ke men. Mi tin Gerrit Schotte na mes altura poné ku e mes ta poniendo su mes, pues ta imposibel ku ta esei por tabata e kaso!
No tin piská atrobe
E kontesta a bini pronto den e edishon di djamars di Último. Ta duele, atrobe no tabatin piská riba menú. Pero loke sí tabatin tabata ‘palabra kla’ kon lo mi mester indiká e manera di duna notisia di Último.
Último ke dunami un ‘wake-up call’! E korant komo, kachá di vigilansia i wes di periodismo di Kòrsou tin lo mihó pa mi i ta atvertí mi pa mi no koba den e historia di tarheta di krédito di nos promé minister. Espesialmente tokante e uzo di tarheta di krédito ku no ta na su nòmber.
Awèl esei sí ta remarkabel! Nunka mi no a publiká algu di e supuesto uzo di tarheta di krédito di minister presidente. Tampoko riba su kondukta di deklarashon remarkabel pa haña kompensashon serka un kompania di seguro relashoná ku un kiebro den kas.
Tampoko riba un aksidente di tráfiko kaminda un persona a pèrdè su bida, ku ta tuma lugá na van Engelenweg, kaminda nos promé minister ku un velosidat di 120 km pa ora a kita bida di un señora di 65 aña, tokante tur eseinan mi no a skirbi.
Fail
Pues kon korant ta yega na e sorto di informashon akí? Kon por ta ku e korant akí sa ta kua ta e failnan ku mi tin den mi kashi, ku te ainda no ta kla pa publikashon?
E kontesta ta simpel i sorprendente. Último Notisia diariamente ta keda informá dor di Gerrit i su kompinchinan. Pasobra ta Gerrit so sa, ku un VDC kompletamente reorganisá- sin presensia di mi amigu Gumbs ku nan a hala pone un banda – loke mi ta hasi den mi tempu liber.
Makamba
Un yamada di telefòn na Humphrey Zimmerman, redaktor en hefe di e kachó periodístiko di mas grandi di pais pa verifiká e konklushon akí – den e kuadro di skucha i skucha tambe kontrapartido – no a brinda alivio: “ Bai akifó Makamba”, tabata su kontesta desididu.
Mira esei pues ta loke mi ke men ku palabra kla! “Ban papia kla’!
----------------------------
Geen opmerkingen:
Een reactie posten